Jean-Paul Sartre

Dr Jean-Paul Charles Aymard Sartre [ʒɑ̃ˈpɔl saʀtʀ̩] (* 21. Juni 1905 z Bariis; † 15. April 1980 z Bariis) isch e französische Romancier, Dramatiker, Filosoof und Publizist gsi. Er gältet as dr Hauptverdräter vom Existentialismus und as Paraadefigur vo de franzöösische Intellektuelle und Marxiste im 20. Joorhundert. Sit er fümfezwnzgi gsi isch, isch er mit dr Simone de Beauvoir liiert gsi.

Si Wärk het en Iifluss ghaa uf d Soziologie, uf die Kritischi Theorii, die Post-koloniali Theorii und d Literatuurkritik. S 1964 het er dr Nobelbriis für Litratuur überchoo, het en aber no im voriine scho abgleent, wil er wien er gsäit het, scho immer offizielli Eereige abgleent häig und nid zun ere Instituzioon well wärde.